كيف تعرف اذا جهــــــــازك مراقب؟
افتح قائمة (Start) ومنها اختر أمر (Run)،
أكتب التالي:
system.ini
ثم اضغط enter
سوف تظهر لك صفحة مفكرة وبها اسطر مثل التالية :
EGA80WOA.FON= EGA80850.FON
EGA40WOA.FON= EGA40850.FON
CGA80WOA.FON= CGA80850.FON
CGA40WOA.FON= CGA40850.FON
اذا ظهر رقم 850
فهذا يعني بان جهازك سليم 100/100 ولم يتم اختراقه ابدآ.
أما أذا ظهر لك WOA :
EGA80WOA.FON= EGA80WOA.FON
EGA40WOA.FON= EGA40WOA.FON
CGA80WOA.FON= CGA80WOA.FON
CGA40WOA.FON= CGA40WOA.FON
يعني جهازك فيه ملفات تجسس ويتم اختراقه بسهولة
معلومة عن الفيروسات :
الفيروسات 3 أنواع وهى فيرس مدمر ودا أخطرهم وفيرس مسلى وفيرس وديع وفيرس اختراق الجهاز دا من النوع الوديع لأنه بيكون هادى ومبيدمرش أى حاجة فى الجهاز بس خطورته انه بيرسل للمخترق بيانات عن الجهاز ومنها انه يقدر يسجل كل حرف بيتكتب على الكيبورد ويبعت للمخترق كل شئ بنكتبه ويقدر يعرف من خلاله كل باسورد على الجهاز وكل كلمة اتكتبت فى شات مثلا وكمان يقدر المخترق يعرف كل ملف على جهازى ويتحكم فيه يعنى ممكن يمسحه من على الجهاز مثلا أو يغير اسمه وال3 أنواع غير مرغوب فى وجودها على جهاز الكمبيوتر
وممكن بعد كدا ان شا الله اكتب نبذة توضح كل نوع من الأنواع دى وايه الفرق بينها
النوع التانى من الفيروسات الفيرس المسلى : واللى بيعمله فى جهاز الكمبيوتر انه مثلا لو أنا عايز افتح صفحة بيفتحلى صفحات كتير علشان كدا بيسموه فيرس مسلى
أما الفيرس المدمر ودا أخطرهم فيوجد منه أنواع كتيرة منها مثلا اللى بيدمر الهارد ومنها اللى بيحرق الفلاشة السمرا اللى فى البوردة وكدا تكون البوردة باظت ولازم نشترى واحدة جديدة و أخفهم ضررا اللى بيمسح بيانات من على الكمبيوتر زى مثلا ممكن يمسح كل الملفات اللى بيكون امتدادها exe والملف دا هو المسؤل عن تشغيل الألعاب والبرامج ولما يتمسح الملف دا يبقى اللعبة أو البرنامج مالوش أى لازمة من غير الملف دا أما ملفات الصوت والفيديو مش بتتفيرس لأنها عبارة عن ملف واحد والفيرس اكتر حاجة يكون فيها هى البرامج والألعاب لأن ملفاتها كتيرة
وأفضل حل للحفاظ على الألعاب والبرامج هو ضغطها بس بعد فحصها ببرنامج انتى فيرس والتأكد من انها سليمة مافيهاش أى فيرس لأن الفيرس ما بيدخلش الملف المضغوط ولا بيخرج منه لو جواه فيرس ولو عملنا اسكان على الفيروسات على برامج أو ألعاب مضغوطة البرنامج هيحذف اللعبة أو البرنامج بالكامل من على الجهاز
أما الفيرس فهو عبارة عن برنامج واخد أوامر بحاجة معينة يعملها فى الجهاز زى مثلا التخفى وتكرار نفسه بمعنى انه ينسخ من نفسه نسخ كتيره وكمان مسح ملفات بامتدادات معينة على الجهاز
وفى النهاية يا رب أكون قدرت أفيدكم بانى أوصل معلومة عن الفيروسات وشكرا لكم جميعا
الحل للاختراق ايه ؟!
لو جهازك مخترق أول شئ تعمله تسطب برنامج أنتى فيرس ولو عايز تطمن أكتر غير نسخة الويندوز وسطب بعدها برنامج انتى فيرس لأن الملفات اللى بيخترق منها الهاكر الجهاز بتكون على بارتيشن السى c يعنى فى نسخة الويندوز ولما بتغير الويندوز انت كده بتنشئ ملفات جديده من تانى ما فيهاش اصابة بس فى حاجة مهمة وهى ان الفيرس اللى اتسبب فى ده بيكون لسه موجود فى الجهاز على باقى البارتشنات يعنى ممكن يعمل كده تانى مع النسخة الجديدة علشان كده لازم تسطب برنامج انتى فيرس بعد ما تنزل نسخة الويندوز على طول
هو دا الحل
